Jonathan Albon frå England, men som spring for Varegg i Bergen, var på førehand favoritt til å vinne årets utgåve av Stranda Fjord Trail Race, og han vann suverent på tida 4.05.40.

10 minutter etterpå kom årets vinnar av Hornindal Rundt, Eivind Klokkehaug, inn til andreplass.

Regnet hølja ned

550 løparar var påmelde til løpet.

Arrangøren skriv i ei pressemelding at regnet hølja ned då løpet starta klokka åtte laurdag morgon, men mange forventningsfulle løparar stilte uansett til start.

Henriette Albon, kona til Jonathan, var like suveren og tok førsteplass i damenes lange løp på tida 5.09.47.

Mykje skodde på starta av dagen og glatt underlag på grunn av regn, gjorde årets løp ekstra tøft.

Men arrangøren fortel at deltakarane skrytte mykje av folk langs heile løypa som heia dei fram til mål.

Resultat

Vi tek med nokre av resultata:

Herrar

1.     Jonathan Albon 4.05.40

2.     Eivind Klokkehaug 4.16.23

3.     Erik Folkesson Blom 4.28.38

4.     Olai Stensland Lillevold 4.31.01

5.     Andre Haugsbø 4.33.39

Damer

1.     Henriette Albon 5.09.47

2.     Bodil Ryste 5.24.21

3.     Anniken Hjellbakk Hole 5.36.08