– Den siste veka har gått heilt etter planen her borte. Vi har fått gjort alt vi skulle og no er det å håpe at Karsten kan prestere opp mot sine personlege rekordar i dei fleste øvingane. Då kan det verte veldig bra, seier Arve Hatløy.
Han har vore trenar til supertalentet Karsten Warholm dei siste seks åra og har følgt den fantastiske utviklinga til 18-åringen.
I fjor kunne duoen juble over Karsten si gullmedalje under verdsmeisterskapen for U18 i Ukraina, i åttekampen.
I kveld norsk tid går Dimna-guten laus på årets VM. Og no er det tikamp som gjeld.
Første øving for Warholm er 100 meter som tek til klokka 19.25 norsk tid. Videre skal han hoppe lengde og støte kule seint tirsdag kveld, medan det er pause fram til natt til onsdag med tre nye øvingar.
Dei fem siste øvingane vert avvikla onsdag kveld og natt til torsdag norsk tid.