– Eg likar å syngje både soul, r&b, blues og jazz. Og så kjenner eg meg veldig heime i Norah Jones sin sjanger, seier Katrine, om valet av den kjende låten som blir neste vekes utfordring for stafett-deltakarane.
Gulrota
Publikum og jury var skjønt einige om at Katrine var den som gjorde det best i duett med vinnaren av første runde, Dan Roger Lid frå Hildre.
Her kan du høyre vinnarlåta fra andre runde i #DuettStafett:
– Å syngje duett med Dan Roger var verkeleg kjekt. Og aller helst ville eg sunge live med han, seier vinnaren, som slo ut tretten konkurrentar i denne andre runden.
Gulrota for å bli med i duettstafetten var den planlagde avslutningskonserten med vinnarane, liveband og publikum som er gulrota for å delta i songkonkurransen.
– Karaoke er ikkje heilt mi greie: Endå mindre å syngje inn i ein mobil i selfiemodus. Det virka skummelt. Men opplegget såg så kjekt ut at eg drista meg til å prøve, fortel vinnaren.
Les alt om konkurransen #DuettStafett her.
Tobarnsmora frå Stranda syng mykje. Både heime, i og som solist med damekoret Kor Løye og på private oppdrag som solist.
Ho er utdanna lærar med årseining i musikk frå Volda, og spelar både gitar, piano og saksofon. Og stortrivst som lærar på Stranda ungdomsskule.
Musikalsk gjennombrot som 33-åring har ho ikkje tru på.
Slik blir du med på #DuettStafett
– Eg satsar på å avle fram neste generasjon med songarar og musikarar. Det er magisk å oppleve når elevar som i utgangspunktet er usikre og forsiktige, tør sleppe musikaliteten laus, synest Katrine.
Her er låta Katrine har åpna i tredje runde av #DuettStafett - nå kan du bli med: