Hødd til topps

Men det opna verst tenkjeleg for Hødd, som hadde tenkt å gå svært aggresivt ut. Allereie etter 40 sekund låg ballen i heimenota etter at sideback Magnus Mar Ludviksson bomma på ei heading tilbake til keeper Ørjan Håskjold Nyland, og Tor Erik Torske fekk god tid til å setje ballen i mål bak ein utspela heimekeeper.

Det tok halve omgangen før Hødd kom seg over sjokket. Men derifrå og inn dominerte blåtrøyene, anført av ein strålande opplagd Kazeem Ahmed som lukkast med det aller meste han prøvde seg på. Denne gongen sat ikkje berre driblingane, men Kazeem slapp ballen i tide og spelte medspelarane fri gong etter gong.

Men trass i fleire store sjansar kom utlikninga først etter 42 minutt etter at Kazeem drog seg fri og la 45 grader tilbake til Erik Sandal, som breisida ballen kontrollert i nota.

2-1 kom etter at keeper Ørjan Håskjold Nyland traff Joachim Magnussen med eit langt og presist utspel. Keeper gav retur på det gode skotet frå Magnussen, men Vegard Heltne var påpasseleg frampå og styrte ballen i mål. Då var det jubel mellom dei 1428 på tribuna!

I andre omgag dominerte Hødd fullstendig, men det var først ti minutt før slutt at Joachim Magnussen enkelt auka leiinga etter eit nydeleg Hødd-angrep. Der var kampen avgjort, sjølv om Kristiansund yppa seg litt i sluttminutta og fekk ei redusering rett før slutt ved Lirion Kalludra.

Nykomaren Pape Formose Mendy starta for Hødd på sentral midtbane, og kom greit frå debuten, medan den andre nykomaren Adama Diomande fekk prøve seg dei siste 17 minutta utan å markere seg.