Hødd hadde få problem heime mot AaFk mandag kveld. Gjestane tapte til slutt 8-1.
Endret: 05.07.2010 kl. 22:11
- Dette var strålande, seier Hødd-trenar Lars Arne Nilsen.
Han hadde all grunn til å vere svært nøgd etter kveldens kalassiger over eit juniorprega AaFk 2.
Heimelaget tok styringa umiddelbart og såg seg aldri tilbake. Sluttresultatet enda med 8-1 til dei blå, og det var ikkje eit mål for mykje kampen sett under eitt.
Tannlause Aalesund
For Hødd var rett og slett fleire hakk kvassare enn juniorane frå Ålesund.
- Det var menn mot gutar ut på bana i kveld, erkjenner AaFk 2-trenar Kent Bergersen.
Utanom straffescoringa til Didrik Fløtre – som reduserte til 7-1 – var dei oransje fullstendig tannlause framover, og skapte ikkje ein einaste kvalifisert målsjanse.
Les også: Kampen
minutt for minutt
Sjå tabellen 2.
divisjon avd. 2
Firemåls-scorar
Det gjorde til gjengjeld Hødd. Og i motsetnad til i førre heimekamp mot Kolstad, var blåtrøyene også effektive framfor mål.
Joachim Magnussen scora heile fire mål i oppgjeret, og krona ein strålande kamp ved å sette inn den siste Hødd-scoringa tre minutt før full tid.
Spissen har fått litt kritikk for å ikkje sette sjansane, men det var ikkje tilfellet mot AaFk sine nest beste.
- Det meste klaffa i kveld. Vi har viste bra form i det siste, og leverer ein solid kamp der vi spring mykje. Vi var bestemte på å ta tre poeng, kommenterer Joachim Magnussen etter kampen.
Les også: SIF tapte alt på overtid
