Hødd-trenaren: – Fantastisk herleg

I vinterens mulm og mørke vart det lagt store planar i Ulsteinvik.

– 23.november sat vi på Høddvollhuset og diskuterte målsetting og slo der og då fast at vi skulle rykke opp. No har vi klart det, og det er ufatteleg herleg å klare det her i dag. Det å rykke opp i 1.divisjon, stort sett med lokale spelarar forsterka med nokre få som vi har kjøpt inn, er fantastisk moro. Ja, kanskje er dette det kjekkaste av alt. Vi har jobba hardt og tålmodig. Vi har bygd eit lag. Vi har ikkje kjøpt eit lag, sa ein stolt og rørt Nilsen like etter kampslutt og vill opprykksjubel i Hødd-garderoben på Color Line Stadion i Ålesund.

Les også:

Tapte i starten

Hødd hadde ein sterkt forsesong, men møtte motgang då serien starta og tapte to av dei tre første kampane i 2.divisjon, avdeling 2.

– Vi fekk ikkje den starten vi hadde håpa på. Vi fekk skade på ein del sentrale spelarar, tapte to av dei tre første kampane og fekk kniven på strupen. Den har vi hatt heilt fram til i dag, men vi har ikkje tapt på eit halvt år. Og endeleg, i dag har vi klart det, sa Nilsen.

Slik var kampene:

Sleit mot AaFK2

Hødd fekk slite mot eit AaFK2-lag med mange juniorar på banen. Frå A-stallen stilte Dan Peter Ulvestad, Didrik Fløtre, Sverre Økland og Dan Peter Ulvestad. Men 2-2 heldt akkurat til opprykk for Hødd. Thomas Lid Kleppe var iskald frå straffesparkmerket to gonger og var med på å sikra opprykket. Kristiansund klarte berre 3-3 mot Nardo. Og dermed var opprykkskampen i avdeling 2 over.

– Fantastisk å rykke opp med Hødd. Vi spelte ingen fantastisk kamp i dag, men det viktigaste i dag var å ta eitt poeng. Det klarte vi, og til sjuande og sist så var det fortent at det er vi som rykker opp, sa tomålsscorar og Hødd-stoppar Lid Kleppe.

Letta og skuffa

Kaptein Fredrik Klock var letta og glad over at opprykket var i boks. Men likevel litt skuffa over kampen mot AaFK2.

– Vi tok det eine poenget som vi var på jakt etter, men eg likar å vinne. Og eg klarer ikkje å gle meg heilt når vi gjer ein så dårleg kamp. Men akkurat det går sikkert fort over. I kveld skal vi ta oss ein fest og så skal vi om ikkje så lenge byrje å fokusere på neste år, smilte Klock.

Les flere fotballsaker på Smp.no

AaFK2-trenar Kent Bergersen var naturleg nok nøgd med sitt unge AaFK-lag.

– Vi såg det frå første sekund i kampen, gutane gjekk ut hardt i dag og ville vinne. Det hadde nok noko med at vi ville revansjere oss frå sist vi møtte Hødd, då vi tapte 8-1. Dei la ned ein veldig god innsats i dag. Ein sterk prestasjon av oss, meinte Bergersen.

Straffespark

Og med litt hell kunne AaFK2 vunne over opprykkslaget i avdelinga laurdag. For det siste straffesparket til Hødd var av den rimelege sorten. Kazeem Ahmed gjekk i bakken etter duell med AaFK2-stoppar Dan Peter Ulvestad.

– Eg synest det såg veldig tvilsomt ut. Veldig billig. Så akkurat det var litt bittert, sa AaFK2-trenar Kent Bergersen.

Men AaFKs assistenttrenar ser det ikkje som ei ulempe at fotballnabo Hødd spelar i 1.divisjon neste sesong: – At det er lokale lag rundt oss som spelar høgare enn 2.divisjon er berre eit pluss for AaFK, seier Kent Bergersen.