– Rockemusikk er vår greie, seier nestleiar i Havgaprock, Bjørnar Levi Flem.
Planlegginga har foregått i fleire månader, men idéen har primus motor og styreleiar Preben Austnes Lorgen hatt lenge. Men først no begynner det praktiske å falle på plass på Longva. Det er satt opp teltplasser, toalettanlegg, billettar ligg ute for salg, og ved festivalområdet er det ei strand – og dei som vil kan bade, fortel Flem.
– Vi er spente på kor mange som kjem, men vi reknar med rundt 500 besøkande.
På artistlista står seks lokale rockeband frå mellom anna Haram og Sandøy - Orions, Stonebrick, Armchair Oracles, Oktomill, The Knut og Skaarv, som opna Jugendfest i fjor.
– Det er veldig bra musikarar, og det er variert. Det er alt frå hardrock til poprock.
På laurdag får altså festivalen sin dåp, men frå no av blir den heldt årleg.
– Vi har fått veldig positive tilbakemeldingar på initiativet. Folk frå Åndalsnes, Midsund og Bergen har spurt om festivalen.