Olav Harald Ulstein frå Sykkylven, kjend frå TV-serien «Farmen», stiller ut måleri i Galleri Arctandria i Oslo.
Ulstein begynte å måle tidleg på 90-talet. Og debututstillinga hadde han i 1997. Sidan har han valt å satse på kunsten, der han viser djup fascinasjon for naturen og kreftene der. Og det er det norske landskapet han er mest oppteken av.
Olav Harald Ulstein har vandra på kryss og tvers i vårt langstrakte land, og kjenner det godt.
Han har hatt ei rekke separatutstillingar, og i tillegg delteke på kollektivutstillingar fleire stader – mellom anna i Galleri Arctandria. Men no held han si første separatutstilling i hovudstaden, med opning i galleriet i Frognervegen torsdag 7. mai.