14 unge talent vart onsdag kveld heidra i Fosnavåg konserthus, då Sparebanken Møre delte ut sine Gnist-stipend. Vinnarane sjølve visste ikkje kor mykje dei fekk før utdelinga.
– Eg vart veldig overraska over å få hovudstipendet! Det er kjekt og betyr så mykje for meg, sa orienteringsløparen Ingrid Lundanes (18) frå Ålesund då ho vart ropa opp som vinnar av 100.000 kroner.
Dei 13 andre fekk òg ganske solide summar: 50.000 kroner kvar:
Vegard Kvamme Holum, trompet, 20 år frå Herøy
Mathias Sætre, biljard, 19 år frå Sande
Line Starheimsæter, skodespelar, 29 år frå Sykkylven
Karoline Hansen, skyttar, 20 år frå Ørskog
Monica Flakk Nordang, kunst og handverk, 27 år frå Ørsta
Jakob Rypdal, jazzmusikar, 25 år frå Ålesund
Sigurd Holten Bøen, symjing, 18 år frå Ålesund
Eirik Havnes, lydkunst, 26 år frå Ålesund
Tellef Solbakk Raabe, popmusikar, 24 år frå Ålesund
Erika Melchior, trialsykkel, 20 år frå Norddal
Hanne Korsbrekke Askeland, opera, 26 år frå Molde
Elias Hustad Birkeland, golf, 16 år frå Molde
Eirik Andreas Vik, teikeserie, 25 år frå Rauma
Stipenda vert delt ut til personar mellom 15 og 35 år i kategoriane kultur, idrett og opa klasse. Det er banken sin måte å støtte enkeltpersonar på ved å «nøre opp under draumane og la gnisten utvikle seg til flammar».