Ifølgje aksjonærlista til Hoven Loen AS har familieselskapet John Kleven i Ulsteinvik valt å kjøpe aksjar for ein million kroner i reiselivsprosjektet. Bak dette selskapet står Kjersti Kleven og søstera Annelise Kleven Godø.
Hoven Loen AS har no sikra seg 93 millionar kroner i aksjekapital, ifølgje ei pressemelding (sjå heile aksjonærlista under, journ. anm.)
Teikna nye aksjar
Før den ekstraordinære generalforsamling tysdag kveld var aksjekapitallen i selskapet på 14,2 millionar kroner fordelt 50/50 på aksjonærane Hotel Alexandra AS og Nordfjord Kjøtt AS.
Under generalforsamlinga blei lån frå Stryn kommune til Hoven Loen AS på 2,5 millionar kroner konvertert til aksjekapital. Stryn kommune har etter tegning totalt investert 12,5 millionar kroner i selskapet.
Det blei dessuta teikna nye aksjar for nærare 48,5 millionar kroner. Det ligg også føre stadfesting på at nye og eksisterande aksjonærar vil teikne seg for ytterlegare 27.752 aksjar ( 27.752.000 millionar kroner) innan mars 2016.
Meir om saka: Har nesten 100 mill. til taubaneKlart for bygging av taubane i Loen
Avtale om meir
Etter teikningsmøte er samla aksjekapital i selskapet på 65.177.000 kroner. Basert på avtaler vil aksjekapitalen vere på minimum 93 millionar kroner etter neste teikningsrunde.
Aksjonærar per 29. september er følgjande:
