Lokale spelar mot Carew og Torp i NRK-satsing
Fleire lokale skodespelarar blir å sjå på skjermane når tv-serien startar i mars neste år. Men det er framleis muleg for andre å bli med på innspelinga ved å melde seg inn i Facebook-gruppa «Statister i Ulsteinvik».
Spelar inn statistscene
Veret med snø og hagl har skapt nokre utfordringar i starten av filminga, men etter planen skal mellom anna den første store statistscena spelast inn denne veka.
I samband med denne scena er filmfolka i første rekke på jakt etter ungdom eller unge vaksne – helst over 18 år. Dei treng også fleire «rånebilar» til scena for å lyse opp fotballbana der innspelinga skal skje. Dei som er interessert må melde frå til produksjonsteamet via Facebook-gruppa, eller e-post.
(saka held fram under)
Filma dei første scenene til storsatsing på NRK
Rekordstort budsjett
Det er NRK Drama og filmselskapet Motlys som står bak satsinga som er mellom dei største nokon sinne når det kjem til budsjett i norsk samanheng. Heile 70 millionar kroner skal nyttast til å spele inn tv-serien om den første kvinnelege trenaren i eliteserien.
Dei første scenene med mellom anne Ane Dahl Torp og Axel Bøyum blei spelt inn i Ulstein-bygda Flø onsdag førre veke. Og dei neste vekene blir det filming fleire stader i lokalmiljøet – ikkje minst på Høddvoll i Ulsteinvik.