Årets artigaste norske Youtube-kanal skal kårast 15. februar. Dette skjer under prisutdelinga Gullsnutten, som blir sendt på TV Norge.

Klypa sin kanal, som Thomas Ryste driv, er nominert i kategorien årets mest morosame kanal, og skal kjempe mot desse tre: PrebzOgDennis, Pistol Shrimps og Noobwork.

- Eg gler meg, og det vert fantastisk. Eg kjem, og Kjellen kjem, seier Ryste til TVNorge.

Ifølgje programdirektør i TV Norge, Eivind Landsverk, er dette første gong at det blir delt ut heider og ære til den beste norske Youtube-kanalen her til lands.

Prisen går til den som i 2014 har prega, fronta og løfta YouTube og alle dei unge videoskaparane i Norge, heiter det på nettsida til Gullsnutten.