Songarane i Sunnmøre Festivalkor fekk opplevingsrike dagar under Nordisk-Baltisk korfestival i Latvia i helga.
Festivalen vart arrangert for 20. gong, og i år gjekk turen til den latviske hovudstaden Riga. Roar Barros-Ødegård frå korforbundet fortel at det gjekk slag i slag med parader, guida turar og tur til byen Tukums.
Kva skjer? Sjekk kulturkalendaren på smp.no
Der fekk mellom anna dirigent Svein Eiksund frå Ulstein ei spesiell utfordring med å representere Norge under ein konsert med to tusen songarar:
– Det gjekk veldig bra, forsikrar Ødegård.
Sjå video frå hendinga over artikkelen
Koret var ifølgje Ødegård det einaste som deltok frå Nordvestlandet dette året.
– Det som sjølvsagt toppa det heile var gigantkonserten «Closing Concert» i Mezaparken søndag kveld. Med over 6000 på scena, store koreograferte dansegrupper, og tredobbelt med publikum var det mykje som likna ei OL-opning, meiner Ødegård.