Vidar Hodnekvam vart skjemtegauk for andre år på rad.
Endret: 11.07.2010 kl. 11:57
- Dette var utruleg gøy, seier komikaren frå Knarvik etter at publikum sin dom var klar under helgas Skjemtegaukfestival i Ulsteinvik.
Vidar Hodnekvam var med på festivalen for andre gong, og sit også igjen med like mange titlar som skjemtegauk.
Tett i toppen
Sigeren i år hang høgare enn fjorårets:
- Det var hardare konkurranse med fleire deltakarar, held vinnaren fram.
Arrangørane Åge André og Geir Sindre Breivik stadfestar at det var jamnare under årets festival der både Christer Torjussen og André Ulveseter pusta Hodnekvam i nakken.
Verdig gauk
Ein av fleire som stemte på årets vinnar var Håvard Saunes frå Ulsteinvik.
- Han er ein verdig vinnar. Poenga kom radig og han var hakket meir original enn dei andre på scena, meiner han.
Før festivalen tok til møtte Sunnmørsposten den lokale deltakaren Roger Sundgot. Publikum tok godt i mot ulsteiningen, som har skjemt som hobby.
- Han har litt å gå på i høve framføring, men vitsane er der. Roger Sundgot er ein fin fyr med spøkar som eg kjenner meg att i, meiner Alexander Eide.
Årets deltakarar på Skjemtegaukfestivalen var i tillegg til Vidar Hodnekvam, Christer Torjussen, André Ulveseter og Roger Sundgot: Tore Haukenes, Janne Rønningen, Henrik Overaa Bjørnson, Ole Soo og Ellinor Christiansen.
Les meir om årets Skjemtegaukfestival i Sunnmørsposten si papirutgåve måndag
