18-åringen frå Sykkylven vann talentkonkurransa «Norske Talenter» på TV2 i fjor. Ho går siste året ved Sykkylven vidaregåande skule.
Kva skjer? Berre i helga kan du velje mellom nær 50 arrangement i kulturkalendaren på smp.no
Mest klassisk
For tida blir ho undervist i song av Jostein Maude, og reiser til Oslo for å ta songtimar med sopranen Solveig Kringlebotn. Pianoundervisning får ho av Askjell Molvær, som akkompagnerer henne på Scena-konserten.
– Eg syng mest klassisk musikk, fordi eg likar denne musikkstilen godt og føler at eg meistrar den. Men eg syng og musikalar og crossover-låtar. Eg har ikkje låst meg til ein sjanger, seier ho.
– Eg elskar å synge. Eg blir veldig glad av det, og får masse positiv respons frå publikum. Det gjer at eg får lyst til å halde fram med synginga.
– Kva har det å seie for deg å opptre på Scena?
– Kjempekjekt at Sunnmørsposten inviterte meg til å delta. Konserten er ein fin sjanse for å spreie songen min for eit stort publikum på nettet.
Tidlegare på Scena: Sjå Sigrid Solbakk Raabe-konsertenSjå Stig Ulv-konsertenSjå Liv Håker-konserten
Tre julefavorittar
Ho har valt tre av sine favoritt-julesongar til dagens Scena-konsert, klassikarane «Have yourself a marry little Christmas», «O, Holy Night» pluss «Verden blir kvit». Sistnemnde er tittellåten på debutalbumet Stine Hole Ulla nyleg gav ut.
– Eg kjem til å halde fram med å synge, opptre i ulike samanhengar og å ta songtimar. Ein del konsertar i 2014 er allereie booka, seier ho.
Året som er gått sidan ho vann «Norske Talenter» har vore temmeleg hektisk med mange songjobbar, særleg i Oslo og Stavanger.
– Difor kjem eg til å konsentrere meg om skulen utover våren. Det er viktig for meg å fullføre vidaregåande skikkeleg. Men eg kjem sjølvsagt og til å ta på meg songoppdrag.
Lesfleire kulturnyheiter på smp.no
