Før spelemannsvinnaren frå Langevåg gjekk på scena var det innslag frå alle verdenshjørner og med alskens instrument.
Den norskindiske fioinisten Harpreet Bansal strauk det heile i gong med sin firetakts ragaimprovisasjon. Ei folkemusikalsk oppleving, som trass i sitt repeterande meloditema steig og steig i intensitet og meir framsto som oppkvikkande enn monotont.
Akkompagnerte
Femtenåringen Sigurd Halse frå Ørsta Kultuskule spelte seinare Chopin. Morten Ballerud akkompagnerte Karen Rosenbergs operaarier, jazz-, cabaret- og tangosoloer.
Det var som om heile verda fekk plass i den vesle bygningen nede ved kaia i Ørsta.
- Ingen oppmicking
Robert Post framførde tre av sine nyaste songar til slutt. Han let ikkje å synast at lokalet, som knapt nok husa seksti tilskodare, var for lite for han.
- Her er det ingen oppmicking. Dette er musikk så ærleg som du kan få han.