Det har lenge vore uro omkring plasseringa av bautaen «Hundevakta» i Ålesund. Nå kritiserer fem kjente utesiglarar den nye plasseringa.

«Hundevakta» er minnesmerket over byens utesiglarar og innsatsen deira på dei sju hav under 2. verdskrig.Vi er samde med dei fem utesiglarane. Dei var 30 000 mann på tusen norske skip med i slaget om få livsviktige forsyningar forbi utbåtflokkane og fiendens fly til britisk hamn.

Statsminister Winston Churchill har sagt om innsatsen til den norske handelsflåten at den var verd ein million soldatar. Vi som var ute under krigen var stolte over våre sjøfolk. Britane visste om Handelsflåtens innsats. Den skapte stor godvilje for Norge og for oss som var ute, i anna teneste. Mest 4000 sjøfolk og 500 skip gjekk tapt. Blant dei som overlevde krigen var mest alle merkte for livet. Tusenvis var livsvarig skadde. Mange fekk seint hjelp. Mange av dei døde tidleg.

Alt dette er historie.

Vi vil støtte oppropet til dei fem utesiglarane.  Vi har alltid meint og sagt at handelslåten var Norges største bidrag for vår fridom. Historikarane er samde om dette.«Hundevakta» bør nå bli plassert slik i vår by at den svarer til Handelslåtens sentrale innsats under 2. verdskrig.

JOACHIM RØNNEBERG

RAGNAR ULSTEIN

Krigsveteranar