30. august møtast Havilafjord og fylkeskommunen i Fjordane tingrett til sjøslag om Fjord1-salet. Til saman sju dagar er sett av til saka mellom Sævik-selskapet og Sogn og Fjordane fylkeskommune, skriv Nett.no.

Striden dreier seg om Havilafjord hadde forkjøpsrett på aksjane som fylkespolitikarane bestemte seg for å selje til konkurrenten Torghatten.

Saka er omtala som ei prinsipiell avgjerd, og kan difor gå heilt til Høgsterett. Om retten seier ja til at Havilafjord hadde forkjøpsrett, vil Herøy-selskapet krevje at fylket sel aksjeposten til dei. Det vil gjere Havilafjord til eineeigar i trafikkselskapet.

Les fleire næringslivsnyheiter på smp.no