Statsministeren drog til bedrifta Hareid Group i samband med reisa der ho skal besøke områder i landet som er hardast råka av arbeidsløysa. På dagsorden på Hareid onsdag stod omstilling og satsing på grøn industri.
Bedrifta har om lag halvparten av omsetnaden frå maritim næring, men vil gjerne utvikle fleire bein å stå på. Levering av solcellepanel er mellom satsingsområda og dei har nyleg starta opp eit nytt selskap som jobbar med dette.
Nye reglar for private: Trur solceller blir allemannseige (krever inlogging)
– Ikkje nok med mi lønn og kjerringa sin pensjon Statsministerbesøk hos arbeidsløse i Stavanger
I stor grad sjølvforsynt
Konsernet på Raffelneset er i ferd med å ta i bruk eit nytt administrasjonsbygg med solcellepanel på taket. Erfaringane med bygget nyttar dei til å bygge kunnskap i bedrifta om solcelleanlegga dei vil selje - både til private og bedriftar.
Bygget er til tider sjølvforsynt med straum, men treng påfyll frå anna kraft nattetid og i kalde periodar.
Bad om like reglar
Konsernsjef Ronald Dyrhol nytta mulegheita til å be statsministeren om betre vilkår på solcellemarknaden - eller rettare sagt - likare vilkår.
– Slik situasjonen er i dag, konkurrerer vi ikkje på like vilkår. Det er avgrensingar på kva mulegheiter vi har, påpeiker Dyrhol.
Ifølgje dagens reglar må nye bygg ha 60 prosent av energien dekka frå fornybar energi. Det nye bygget på 7500 kvadratmeter og med 1600 kvadratmeter solceller på taket, overstiger dette med klar margin. For å få nytte bygget som i dag, har bedrifta vore avhengige av ein dispensasjon frå kommunen.
For reglane er slik at bygg over 1000 kvadratmeter må ha vassbåren varme, og tilrettelaggjast for andre energiformer en elektrisitet. Det er ein regel Dyrhol meiner bør endrast, for å opne opp ein marknad dei gjerne vil ha ein bit av.
Lydhør Solberg
Statsminister Erna Solberg var lydhør for ønsket, og vil overtyde fleirtalet på Stortinget om at det bør vere korleis ting fungerer som betyr mest, og ikkje kva for teknologi som nyttast.
– Eg meiner vi bør ha ein diskusjon om dette. No viser det seg at vi kanskje er vore litt for skeptiske til om Norge er landet for solenergi. Her viser dei jo at dei kan. Det er resultata som tel, og ikkje kva for teknologi ein brukar for å få det til. Eg håpar at desse døma kan vere med å skape forståing for eit slikt syn, seier Solberg til Sunnmørsposten.
– Og tør ein satse på solcelleenergi på Sunnmøre, bør det være ein del andre stader ein kan satse, påpeiker Solberg.
Negativt resultat
Solberg fortalde at ho generelt fekk tilbakemeldingar frå næringslivet om at det var tøffe tider, men at dette var noko dei hadde klart å kome seg gjennom tidlegare.
– Kva konkret er det bedriftene ber om?
– Bedriftene etterlyser mindre byråkrati og at vi har reglar som er gode på omstilling, seier Solberg og viste mellom anna til at ordningar som GIEK (Garantiinstituttet for eksportkreditt) også må ha mulegheit til å vere fleksible i perioder.
Tøffe tider er det også for det lokalt eigde elektrokonsernet med kring 560 tilsette. Hareid Group har om lag dobla omsetnaden dei siste fem åra. Men for første gong på mange år måtte dei i fjor notere seg med eit negativ resultat.
Konsernet med firmanamnet Hareid Elektriske, har samstundes tent seg opp ein solid eigenkapital dei siste åra.
Nedlagde arbeidsplassar
Ekornes legger ned sofafabrikken på Hareid
Til saman 135 personar var registrert ledige i Hareid førre månad. Det inneber ei arbeidsløyse på 4,9 prosent og plasserer Hareid heilt i toppen mellom kommunar med høg grad av ledigheit i Møre og Romsdal. Berre Herøy hadde høgare registrert arbeidsløyse ved førre oversikt med 5,2 prosent ledige.