Aker og Solstad Offshore vil framleis vil jobbe for å nå sine mål med Rem Offshore. Det skriv Aker i sin rapport for andre kvartal.

Rapporten blir sendt ut dagen etter at Aker blokkerte for Rem Offshore sitt refinansieringsforslag.

Les også: Åge Remøy: - Det var eit bakhaldsangrep (smp+)

Aker er ute av kvitfisk og har investert i oljesektoren. Aker ASA har etablert oljeselskapet Aker BP og investert ein halv milliard kroner i Solstad Offshore på Karmøy. I tillegg har Aker hatt selskapets største verdiauke sidan 2006.

I rapporten går det også fram at Aker særleg har sikta seg inn på Fosnavåg-selskapet Rem Offshore.

Blokkerte

I sommar har Aker kjøpt obligasjonslån for nær 100 millionar kroner i Rem, etter at Rem Offshore la fram ei omfattande finansiell restrukturering.

Avtalen var at Rem vil hente inn friske pengar via ein retta emisjon på 150 millionar kroner og konvertere obligasjonsgjeld til aksjar. Løysinga skulle betre reiarlagets likviditet fram til 2019 med 3,6 milliardar kroner, og redusere renteberande gjeld med rundt 900 millionar. Måndag ettermiddag hadde obligasjonseigarane eit møte i Oslo, der Aker blokkerte for forslaget.

I staden vil Aker, saman med Solstad, jobbe for å finne ei løysing for Rem Offshore som er til det beste for relevante eigarar, skriv Aker i kvartalsrapporten tysdag morgon.