Frå før er Kleven både styreleiar og eigar i skipsbyggingskonsernet Kleven.
– Eg ser fram til å jobbe for den europeiske maritime sektoren i det som er krevjande men svært interessante tider, seier Kjersti Kleven i ei pressemelding.
Ho fortel at SEA Europe organiserer 300 europeiske verft og over 22.000 små og store utstyrsleverandørar. Til saman sysselset dei over 900.000 tilsette.
– Bransjen produserer komplekse fartøy med teknologisk avansert utstyr som hjelper industrien med å møte strenge sikkerheits- og miljøstandardar. Dette gjer bransjen både økonomisk og strategisk viktig for Europa, og eg ser fram til å samarbeide nært med avgjerdstakarane i EU og politiske miljø elles for å sikre gode vilkår for industrien, seier Kjersti Kleven.