I juni skreiv Sunnmørsposten om Stryvo Group, som skal starte produksjon av bøyer til bølgjekraft i Vanylven. Dei tek også i bruk plastikk for å gjere bøyene lettare. No er kontrakten med Waves4power, som skal ta i bruk bøyene og står bak prosjektet «Next Generation», signert.

Produksjonen skal skje på Fiskåholmen i Vanylven og skal etter planen starte våren 2018.

- Vi er svært glade for at Stryvo tilbyr tenlege produksjonslokale og tilfører ressursar til vårt nye bøljekraftsystem «Next Generation», seier konsernsjef Ulf Lindelöf i Waves4power i ei pressemelding.

Styvo group på si side er meir enn klare til å byrje med produksjonen.

- Vi er klare til å starte produksjonen så fort som «Next Generation» forlèt skrivebordet. Vi siktar oss inn mot våren 2018, seier konsernsjef Jostein Bøe i Stryvo Group i pressemeldinga.