(Vikebladet/Vestposten) I 2016 fekk då 65 år gamle Per Halvard Garnes beskjed om at han ikkje lenger var rekna blant arbeidsstokken i Hjørungavåg.
Året før hadde han sagt frå seg tillitsmannsvervet i FLT Formenn, men sidan han hadde lang erfaring frå tillitsmannsverket og ønskte å vere der for kollegaene sine, assisterte han under nedskjeringane som blei sett i verk i 2015.
– Dette kunne aldri ein som er tilsett i selskapet i dag ha ytra, men eg som no er pensjonist og ikkje er inne i bedrifta lenger, meiner det er på høg tid at ting kjem fram, seier Garnes.
Gradvis øydelagt
Per Halvard er som sagt tidlegare tillitsvalt og formann ved Rolls-Royce (tidlegare Odim) sitt anlegg i Hjørungavåg, og meiner arbeidsplassen han var så stolt av å vere ein del av i mange år blei gradvis øydelagt av det britiske storkonsernet.
Refser prosess med kutt i Rolls-Royce
– Rolls-Royce kjøpte opp Odim i 2012, der eg og mange andre hadde vår arbeidsplass. Allereie i 2013 fekk vi nyss om at det under eit styremøte hadde kome fram at Rolls-Royce Hjørungavåg skulle leggjast ned. Men dette fekk ikkje nokon av dei tillitsvalde vite om, på anna vis enn gjennom andre. I april 2015 gjekk selskapet i dialog med NAV, der dei fortalde at det kom til å kome oppseiingar i Hjørungavåg. Bedriftshelsetenesta fekk på same tid beskjed. Først 18. august same året fekk vi tillitsvalte informasjon om planane. HR-avdelinga vår på Nørve var med på møtet via telefon. Heile dette opplegget var eit klart brot på arbeidsmiljølova, noko eg gav klar beskjed om. 19. august var det fellesmøte i Hjørungavåg, der alle dei tilsette fekk vite om avgjerda, seier Garnes.
Fagforeningene med brev til næringsministeren: Kjempar for arbeidsplassane
– Mykje uro blant arbeidarane
Som tidlegare tillitsvald og kollega får Per Halvard ofte høyre frå dagens tilsette i selskapet korleis dei opplever situasjonen.
Då leiinga i Rolls-Royce nyleg annonserte at dei ønskjer å selje marinedivisjonen, med i alt 1.600 tilsette, førte det med ein gang til spekulasjonar både i verksemda og blant folket i regionen.
Potensielle kjøparar som det blir spekulert i er alt i frå finske Wärtsila til tyske Siemens, amerikanske General Electric, kinesiske og japanske industrikonsern, svensk-sveitsiske ABB, men også norske Kongsberg.
– Kinesisk kjøper kan dukke opp
Lærte opp vietnamesarar
Noko som Garnes meiner har vore kjent blant tilsette i Rolls-Royce Marine, men som nok ikkje så mange andre har visst om, er at det gjennom fleire år har vore ei kunnskapsutveksling mellom Rolls-Royce i Hjørungavåg og Rolls-Royce i Vietnam.
«Det verste ville være eiere på jakt etter kjappe gevinster»
– Då fabrikken i Vietnam starta opp var det mange av våre ingeniørar som var der nede for å hjelpe dei å kome i gang. Men det meir urovekkjande var at vietnamesiske arbeidarar var på besøk ved anlegget i Hjørungavåg og studerte korleis ein jobba der, for så å ta med seg kunnskapen til Vietnam. Tilsette frå Hjørungavåg blei plukka ut for å reise til Vietnam for å dele sin kunnskap, seier Per Halvar Garnes og legg til:
– Vi har altså gjennom fleire år lært opp andre til å ta over jobbane våre. Det har vore ein absurd situasjon, for å seie det slik.
Fryktkultur
Per Halvard fortel om ei vedvarande usikkerheit i heile marinedivisjonen til Rolls-Royce i Norge, som har vore der i mange år, og at han såg det klarast frå sin ståstad i Hjørungavåg.
– Det seier sitt når toppleiaren ved anlegget i Hjørungavåg blei skifta ut fire gonger i løpet av eit og eit halvt år. Ein visste ikkje kven ein skulle snakke med. Då vi jobba i Odim var selskapet prega av openheit, ikkje «hysj-hysj» og frykt for å seie meiningane sine. Mange som har slutta dei siste åra har fortald meg det same som eg opplevde, at ein ikkje kunne seie meiningane sine, seier Garnes.
– Har stått på i alle år
– Står for hans rekning
Rolls-Royce Marine, ved kommunikasjonsdirektør Anette Bonnevie Wollebæk, har fått høve til å svare på det Per Halvard Garnes seier.
Dette svarer Rolls-Royce:
– Ut frå det avisa formidlar til oss så kan vi berre konstatere at vi har ei anna oppfatning av både fortida og notida, så dette får stå for hans eiga rekning.