Ein taretrålar er i Søre Sunnmøre tingrett dømt for ulovleg taretråling.
Dette er ifølgje NRK Møre og Romsdal første gong at ein taretrålar og selskapet han leverer til er dømd i norsk rett.
Den ulovlege taretrålinga gjekk føre seg januar 2013 ved Runde i Herøy. Bergensmannen som dreiv taretrålinga følgde grensene på eit eldre og utdatert sjøkart.
Mannen er dømd til 12.000 kroner i bot, og det amerikanske firmaet BMC Biopolymer AS som han leverte tare til er dømd til 60.000 kroner i bot.
Sjøbotnen er inndelt i soner, med vekstperiodarr på fire år og hausting det femte året. Digitalisering av sjøkarta i 2009 medførte ei justering av grensene. Retten meiner at den erfarne mannen som dreiv med taretrålinga burde ha fått med seg denne endringa. Retten viser også til at selskapet han leverte til faktisk var merksam på justeringa.