Statsminister Erna Solberg og næringsminister Monica Mæland startar besøket ved Kleven verft i Ulsteinvik.
– Statsministeren prøver å reise ut i landet kvar tysdag. Dette kvartalet er konkurransekraft tema for reisene. Og då var det naturleg å setje kursen mot Sunnmøre så fort som muleg, seier Rolf Erik Tveten (H), som er politisk rådgjevar for statsministeren.
Lyttemøte
Besøket på Sunnmøre er retta mot marint og maritimt næringsliv.
– Formålet med reisene er å få innspel om kva som er viktig i deira kvardag, seier Tveten.
Ved Kleven verft blir det omvising i produksjonen. Her vil Solberg og Mæland få møte TAF-elevar frå Ulstein vidaregåande skule og sjå på robotisert produksjon.
Det blir også lyttemøte med lokale representantar for næringsliv og styremakter, samt for kunnskapsmiljøet i regionen. Temaet for dette møtet er suksessfaktorar og utfordringar for den maitime industriklyngja.
Fiskebåt til Ålesund
Solberg og Mæland skal reise med den kombinerte torske- og reketrålaren «Hopen» frå Hareid til Ålesund. Om bord i båten blir det orientering om havfiskenæringa.
I Ålesund blir det omvising hos Omega-3-produsenten EPAX. Det blir også møte med leiaren for den biomarine klyngja Legasea. Temaet her er næringsutvikling basert på marine ressursar.
Les flere næringslivsnyheter på smp.no
Høgre-jubileum
På statsministeren sitt program står vidare eit besøk til det psykiatriske akutt-temaet på Ålesund sjukehus. Her skal statsministeren få møte fagfolk, pasientar og pårørande for å høyre om erfaringane med akutt-team som rykkjer ut.
Statsministeren avsluttar Sunnmørs-besøket med deltaking på Høgre sitt partimøte i Ålesund i samband med at lokallaget markerar 130-årsjubileum.