Sunnmøre politidistrikt melder at det brenn i ei garasje i Volda. Naudetatane er på veg til staden.
Rundt klokka 22.15 melder politiet at naudetatane er på plass.
Har kontroll
Brannmeister Kjetil Iversen ved 110-sentralen seier til smp.no at dei no har kontroll på brannen og at den er sløkt.
– Brannen var i ein garasje i underetasjen til ein privat bustad. Årsaka til brannen er førebels ikkje kjent, seier Iversen.
Ingen skadd
110-sentralen fekk melding klokka 21.57. Etter det Iversen veit, er ingen skadd.
– Det var folk i huset då det starta å brenne, men det var ein leigebuar som oppdaga det, seier Iversen til smp.no.
