Island Offshore melder i ei pressemelding at plattformforsyningsskipet Island Commander blir lagt i opplag i Ulsteinvik. Fartøyet har vore tilbydd spotmarknaden sidan i sommar, men ikkje fått tilslag på oppdrag sidan starten av september.
– Marknaden for PSV’ar har utvikla seg negativt gjennom hausten, og det er trist å sjå at dette fantastiske fartøyet ikkje får oppdrag. Vi ser no ingen annan utveg enn å ta Island Commander ut av drift, seier administrerande direktør Håvard Ulstein i pressemeldinga.
Island Offshore opplyser at Island Commander framleis vil bli tilbydd marknaden på lengre oppdrag, og båten vil bli sett i drift om båten får kontrakt.