Dette kom fram under tilbodsopninga på regionvegkontoret på Leikanger tysdag.

– Det har vore stor interesse kring prosjektet. Det såg vi på tilbodssynfaringa i januar, på talet tilbod som kom inn og på prisane. Signala frå bransjen tyder på at det er stor konkurranse i marknaden, og det lågaste tilbodet ligg også under forventa pris, seier prosjektleiar Erling Varlid i ei pressemelding.

Elleve leverte tilbod

24 entreprenørar møtte opp på tilbodssynfaringa i januar.

Totalt 11 tilbod kom inn, og det skilde om lag 63 millionar kroner mellom det høgaste og lågaste tilbodet.

Her er heile lista:

(Tilbodssum ekskl. mva)

Kruse Smith Entreprenør AS (202.788.885,30)

Implenia Norge AS (228 329.217)

Strabag AG (220.614.193,29)

AF Birkeland Entreprenørforretning AS og Kveen AS (215.210.778)

KA Aurstad AS (220.992.137,10)

Porr Norge AS (207.384.901,21)

Veidekke Entreprenør AS (265.482.080)

AF Gruppen Norge (224.544.735,60)

Aldesa Construcciones (254.604.280,63)

AF Metrostav AS og Bertelsen &Garpestad AS (211.754.936)

AF Volda maskin AS og Leonard Nilsen &Snr AS (213.936.637,90)

Ferdig i 2018

No skal tilboda evaluerast og kontrollreknast før ein tek ei endeleg avgjerd.

– Etter framdriftsplanen vert kontrakten med entreprenøren signert i løpet av mars. Anleggsarbeidet vil truleg starte i april, seier Varlid.

Prosjektet inneheld vegutbetring av fv. 60 mellom Ugla og Skarstein i Stryn kommune, ei strekning på om lag fem kilometer.

Ved Ugla skal det byggast ein tunnel på1170 meter forbi Vangberghammaren. Vidare mot Olden går vegen langs eksisterande trase, med enkelte justeringar av veglinja.

Den nye vegen skal stå ferdig sommaren 2018.

SMALT: Vegen Olden-Innvik er ein mykje trafikkert veg sommarstid. ARKIV Foto: ANNE-MARI TOMASGARD