Kruse Smith Entreprenør AS har levert lågaste tilbodet på ny veg Olden – Innvik.

63 millionar skilde høgaste og lågaste tilbod

Totalt 11 tilbod kom inn, og 63 millionar kroner skilde mellom høgaste og lågaste tilbod.

– Det har vore stor interesse kring prosjektet. Det såg vi på tilbodssynfaringa i januar, på talet tilbod som kom inn og på prisane. Signala tyder på at det er stor konkurranse i marknaden. Lågaste tilbod ligg også under forventa pris, seier prosjektleiar Erling Varlid.

Desse leverte tilbod på Olden-Innvik

Kruse Smith Entreprenør vil bygge vegen for 202,8 millionar kroner.

Dei andre tilbydarane er Porr Norge (207,4) Kruse Smith Entreprenør AS (202,8) Implenia Norge (228,3) Strabag AG (220,6), AF Birkeland Entreprenørforretning og Kveen (215,2), KA Aurstad (221,0), Veidekke Entreprenør (265,5), AF Gruppen Norge (224,5), Aldesa Construcciones (254,6), AF Metrostav og Bertelsen & Garpestad AS (211,8) AF Volda maskin AS og Leonard Nilsen & Snr (213,9).

Skal stå ferdig sommaren 2018

Arbeidet inneber utbetring av fv. 60 mellom Ugla og Skarstein i Stryn, ei strekning på om lag fem kilometer. Det skal også byggjast 1.170 meter tunnel forbi Vangberghammaren.

Vidare mot Olden går vegen langs eksisterande trase, med enkelte justeringar av veglinja.

Tilboda skal no kontrollreknast.

Arbeidet skal stå ferdig sommaren 2018.