For betre trafikkavvikling flyttast avgangane på FRAM Ekspress frå 1. mai, slik at avgangane frå Ålesund trafikkterminal og Kristiansund trafikkterminal går fem minutt tidlegare enn før.
Frå Ålesund trafikkterminal køyrer FRAM Ekspress frå 1. mai fem minutt før heil time og for nokre laurdagsavgangar fem minutt før halvtimen.
På FRAM Ekspress rute 101 Volda–Ørsta–Moa–Ålesund blir det ikkje endringar i rutetidene frå Volda rutebilstasjon, men det blir nokre små justeringar av avgangane frå Volda sjukehus.
Frå Moa og Molde blir avgangstidene ikkje endra, opplyser Møre og Romsdal fylkeskommune i ei pressemelding.