Hareid kommune ønskjer at Velsvik Berge startar i stillinga frå 1. august 2016.
Dette vart torsdag vedteke samrøystes i kommunestyret i Hareid, opplyser ordførar Anders Riise (H) til smp.no.
Ho var ein av åtte søkjarar og kjem frå stillinga som pleie- og omsorgleiar i Herøy kommune.
– Dersom Berge takkar nei, vil saka gå attende til forhandlingsutvalet for vidare vurdering av tilsettingsprosess, heiter det i vedtaket.
Berge seier til smp.no at ho ser på jobben som ei kjempespennande utfordring. Ho tenkjer mellom anna på oppgåvene som kjem rundt kommunereforma.
– Eg fekk ei veldig god mottaking frå kommunestyret i dag, og ser fram til å samarbeide vidare med politikarane i Hareid, seier Berge.
Ifølgje Vikebladet var dette søkjarlista:
Tom Haarsaker, (50), arbeidande styreformann, deltid Trondheim.
Ragnhild Velsvik Berge, (56), pleie- og omsorgsleiar Herøy.
Per Ivar Lied, (46), rådgjevar Ørsta.Bent Mathisen, (42), arbeidsledig Bærum.
Berit Aasen, (45), kommunalsjef Herøy.
Rune Dalsbø, (45), CFO, økonomisjef/NK Ålesund.
Sturla Hess Brunvær, (53), administrasjonssjef Ålesund.
I tillegg ville ein søkjar vere anonym.