Siste: Etter ein sjekk på legevakta er mannen frakta med ambulanse til Volda sjukehus, melder politiet litt før klokka 19.30.

Politiet rykka ut til Dimna i Ulstein etter melding om ei arbeidsulykke, onsdag ettermiddag.

- Ein mann har skada seg i låret med vinkelslipar. Vedkommande er henta av ambulanse, skreiv politiet på Twitter klokka 18.43.

- Arbeidsulykka har skjedd på Kleven verft. Mannen blir sagt å vere lettare skadd, og er frakta til legevakt i Ulsteinvik, seier operasjonsleiar John Bratland til Smp.no ein halv time seinare.

Arbeidstilsynet er varsla om hendinga.

Politiet fekk melding om arbeidsulykka via AMK klokka 18.32.