Ikkje før klokka nærma seg 22 torsdag kveld var kommunestyremøtet i Haram ferdig. Og det store spørsmålet om kostnaden av det planlagde rådhuset var plassert sist på sakslista.
Bakgrunn: Rådhusstrid i Haram
Bakgrunn: Nytt rådhus til 100 mill. kronar
Etter ein lang debatt enda kommunestyret, med 15 mot ni røyster, å vedta rådmannen sitt forslag:
Kommunestyret vedtek å auke den økonomiske ramma for nytt tenestehus i samsvar med tilbodet frå vinnaren av tilbodskonkurransen.
Det vert inngått intensjonsavtale med vinnaren av tilbodskonkurransen som grunnlag for dialogfase for å optimalisere prosjektet.
Endeleg kontrakt med utleigar skal leggast fram for formannskapet til godkjenning før signering.
Det vart også lagt fram eit tilleggsforslag frå ordførar Vebjørn Krogsæter:
I forhandlingane om detaljutforminga av nytt tenestehus, skal det forsøkast å få til ei løysing der biblioteket sine ønsker vert tatt omsyn til.
Dette vart samrøystes vedtatt.