Ved utgangen av juli var det registrert 4.642 heilt arbeidsledige i Møre og Romsdal, 828 fleire enn på same tid i fjor. Det viser NAV sin rapport for juli månad.
Dermed er 3,3 prosent av arbeidsstyrken heilt utan arbeid i fylket, mot 2,7 prosent på same tidspunkt i fjor. Det er seks fylke i landet som har høgare ledigheitstal enn Møre og Romsdal.
Herøy har 266 utan arbeid, 86 fleire enn på same tid i fjor. Ulstein har 222 utan arbeid, 81 fleire enn i fjor.
I nokre få kommunar er det ein liten nedgang. I Vanylven er det 15 færre ledige enn i fjor. Også Ørskog har færre ledige.
Færre ledige i Sogn og Fjordane
Også i Sogn og Fjordane er det færre ledige. Ved utgangen av juli var det registrert 993 heilt arbeidsledige i fylket, 150 færre enn på same tid i fjor. Dermed er 1,7 prosent av arbeidsstyrken heilt utan arbeid i fylket, mot 2,0 prosent på same tidspunkt i fjor. Det er færre ledige i både Stryn, Eid og Vågsøy.
For heile landet har talet på arbeidsledige gått svakt opp. Arbeidsløysa i juli i år er på 3,2 prosent, mot 3,1 prosent i juli 2015.