Etter at Fylkesmannen har kontrollert rekneskap for 2015 i alle kommunane, er det klart at Sandøy, Sande og Giske blir meldt inn i Robek. Det betyr mellom anna at alle låneopptak i kommunen må godkjennast av Fylkesmannen.
Kommunane kjem på lista om underskotet ikkje vert dekt inn slik kommunen sjølv har vedteke, maks innan to år.
10 kommunar på Robek-lista
Ålesund, Kristiansund, Hareid, Ørskog, Stranda, Sykkylven, Rauma, Sandøy, Sande og Giske er no på Robek-lista. Alle kommunane, med unnatak av Stranda, vil vere ute av Robek innan 2020, ifølgje Fylkesmannen.
Stranda har ein plan om å vere ute av lista innan 2023, men ligg an til å klare det tidlegare enn planlagt.