Etter mange velvalde ord frå ordførar Dag Olav Tennfjord (H) kom Aina opp til talarstolen for å ta i mot heider og eit litografi av Inger Giskeødegård i avskjedsgåve.
– Det er trist å gå no, men om eg ikkje hadde gjort det ville eg gått på ein kraftig smell og blitt sjukmeldt
– Bildet eg fekk i gåve var heilt fantastisk, men eg klarte ikkje la vere å smette inn med ein liten politisk kommentar. Kommunal brøyting for private vegar er ei sak eg har kjempa for, og eg måtte nytte høvet ein siste gong i kommunestyret, fortalde Aina smilande då seansen var over.
Vedtaket om fritak var samrøystes vedteke i kommunestyret i kveld.
Stå-på-menneske
I dagens Sunnmørsposten gjekk den avgåtte varaordføraren ut og fortalde korleis jobb, born og lokalpolitikk ikkje let seg kombinere.
– At Aina må gje seg i politikken er ei påminning til oss om at det ikkje er lett for småbarnsforeldre å vere lokalpolitikarar. Då er det ikkje Aina sin situasjon, men rammevilkåra som er problemet, seier ordførar Dag Olav Tennfjord og held fram:
– Aina verte sakna i politikken i Skodje. Ho er eit skikkeleg stå-på-menneske som stiller opp, og vi har hatt eit særs godt samarbeid. Eg ynskjer ho all lykke i fremtida og velkomen tilbake i politikken når det måtte passe, avsluttar Tennfjord.
Kombinasjonen jobb, heim og lokalpolitikk blei for tøff for Aina Strand. Det har skapt debatt:
– Eit demokratisk problem, meiner ordførarar
Leder: «Det handlar om å legge til rette det politiske arbeidet»