Det kjem både Møre og Romsdal og Sogn og Fjordane til gode.
– Med den nye 30 mil lange kraftleidninga mellom Ørskog og Sogndal i drift har vi etablert eit samband som gir trygg straumforsyning, seier konserndirektør i Statnett Elisabeth V. Vardheim til Statnett.no.
– Samstundes kan dei planlagde fornybarprosjekta som har venta på eit sterkt nok straumnett realiserast, held Vardheim fram.
Utbygginga av prosjektet starta oktober 2011, og vart forseinka som følgje av usemje om val av trasé i Myklebustdalen i Bremanger.
- Det er berre eitt år sidan vi fekk tilgang til det siste området i Myklebustdalen, og eg vil rose entreprenørar og prosjektmedarbeidarar som har klart å gjere ferdig dette prosjektet trass i utfordringane og innanfor kostnadsramma, avsluttar Vardheim.
Prosjektet er ferdigstilt innanfor kostnadsramma med ein totalkostnad på 5,5 mrd kroner.
Fakta om prosjektet
• 300 km med 420 kV kraftleidning mellom Ørskog på Sunnmøre og Sogndal
• 797 master. Totalt 11.000 tonn med mastestål. Høgaste mast er montert 1095 moh
• 6 nye transformatorstasjonar og utviding av Ørskog transformatorstasjon
• Skal rive 170 km med eksisterande kraftleidning. Og legg til rette for riving av lokalt distribusjonsnett. Sanering av Fardal transformatorstasjon
• Starta utbygginga oktober 2011.
• Lagt ned omkring 3 millionar arbeidstimar, tilsvarande omkring 1.800 årsverk.