Møreforsking Volda AS vart oppretta som aksjeselskap i 2015, etter ei omorganisering i Møreforsking-konsernet. Målet var å knyte Møreforsking tettare opp mot Høgskulen i Volda, som gjekk inn med ein eigarpost på 49 prosent i Møreforsking Volda AS. Liknande grep vart gjort ved Høgskulane i Ålesund og Molde. Men Møreforsking Volda, som driv med forsking innan samfunnsfag, har slite med å skaffe inntekter.
– Vi har ikkje lukkast med å få til Møreforsking Volda AS, seier høgskuledirektør Jacob Kjøde jr.
For få oppdrag
Målet var at det skulle vere minst 8–10 forskarar ved Møreforsking i Volda. I staden har det blitt færre og færre. Ved årsskiftet slutta dei siste.
– Vi har ikkje har klart å rekruttere nok folk med oppdragskompetanse, altså forskarar som er gode til å konkurrere om oppdrag, og skrive gode søknader, seier Kjøde Jr.
Ettertrakta sjødyr
– Tidlegare var det slik at forskarar gjerne byrja i Møreforsking, og deretter gjekk vidare til Høgskulen. Så Møreforsking har vore viktig for rekrutteringa av forskarar til oss, seier Jacob Kjøde Jr.
Eksterne inntekter
Den negative utviklinga for selskapet Møreforsking Volda AS må også sjåast i samanheng med at finansieringsmodellen for høgskulane er endra, slik at høgskulane får god utteljing for eksterne inntekter, såkalla BOA-finansiering, meiner høgskuledirektøren.
– Høgskulane styrer i større grad oppdrag inn til seg sjølve. Så det har ikkje blitt mindre forsking ved Høgskulen i Volda. Vi er mellom dei beste i landet når det gjeld publisering per fagstilling, seier Jacob Kjøde jr.
– Vert det samla miljøet innan samfunnsforsking i Volda svekka utan Møreforsking?
Sjøpølsetarmer oppnår voldsomme kilopriser
– Vert Møreforsking Volda AS avvikla?
– Det er ikkje fatta vedtak om det, men vi må berre erkjenne at Høgskulen ikkje har økonomiske musklar til å sprøyte inn meir kapital i eit slikt AS. Selskapet er ikkje konkurs. Det er og viktig å få fram at alle som har vore tilknytte Møreforsking har fått ny jobb, fleire av dei her ved Høgskulen i Volda.