– Avgjerande for tildelinga av målprisen har vore den skriftlege bruken hans av språket som pressemann og forfattar. Kjølås er ein framifrå nynorskbrukar, med ein særleg styrke i ordlegginga, heiter det i ei pressemelding frå Sunnmøre Mållag.
Vidare heiter det: «Språket hans er variert, presist og folkeleg. Nynorsken hans tek utgangspunkt i sunnmørsmålet, og det er klassisk og moderne på samme tid.»
Harald Kjølås er fødd på Stranda i 1942, og har sidan 1978 vore busett i Ålesund. Han har vore redaktør i Sunnmørsposten i ei årrekke, og var politisk redaktør då han gjekk av med pensjon. Han har skrive ei rekkje bøker og artiklar om samfunnsliv og lokalhistorie frå nordvest.