Bildet viser eit ras ved Kolåstinden april 2016.
            (Foto: Olav Standal Tangen)

Bildet viser eit ras ved Kolåstinden april 2016.Foto: Olav Standal Tangen

Ørsta

To personar tatt av snøskred ved Kolåstinden

To personar blei tatt av snøskred ved Kolåstinden i Ørsta tysdag ettermiddag.

Skredet gjekk rett under toppen av fjellet, melder politiet på Twitter.

Dei to som blei tatt av skredet kom frå det heile utan skade. Følget tok seg ned utan bistand, ifølge politiet.

– Vi har ikkje vore involvert, men dei kontakta oss for å varsle om at det var gått eit skred, seier operasjonsleiar Arild Reite i politiet på Sunnmøre.

Politiet fekk opplyst at det var cirka 20 personer i området då skredet gjekk. Om dette var eitt eller fleire turfølger kjenner er uklart.

– To personar blei tatt av raset. Dei blei gravd fram og tatt hand om av dei andre med ein gong, og kom frå det utan skade. Dei ville sjølv vurdere om dei ville kontakte lege i tilfelle, seier Reite.

Betydelig skredfare

Ifølge Snøskredvarslinga i NVE vurderes snøskredfaren på Sunnmøre til nivå 3 – betydelig – på tysdag. 

Snøskredvarsel for Sunnmøre (ekstern side)

Følget gjorde rett i å varsle politiet om skredet umiddelbart, seier Reite.

– Det er veldig viktig at dei som eventuelt løyser ut skred varslar oss, også sjølv om ingen blir skadd. Elles kan skredet bli observert på avstand, og då må vi sette i gong leiteaksjon, seier Reite.

– Bratte heng

Kolåstinden, med sine 1.432 meter over havet, er ein populær skitur på Sunnmøre.

Men både denne og andre populære toppturar er samstundes bratte nok til at ein kan løyse ut skred. Det seier Christer Lundberg Nes, fagleiar i friluftsrådet og forfattar av boka «Skikompis – snøskred og trygg ferdsel».

– På turen opp mot Kolåstinden er det tre område som er bratte nok til at ein kan løyse ut skred. Det første er i området opp til Stretet – opp til breen. Så er det bratt nok i topphenget. Det er også bratt på ein del ulike ruter der ein køyrer ned, seier Nes.

– Nyt påskefjellet, men sjekk skredfaren

Det er beskjeden fra Røde Kors sin påskeinformasjonssentral tirsdag. Tirsdag var det større utfart til påskefjellet.


– Sjekk skredfaren

Er det bratt nok til at eg kan løyse ut eit skred – altså 30 grader eller brattare?

Dette er eit kontrollspørsmål ein alltid må stille seg.

– Og så er neste spørsmål: Går eg nært nok terreng som er bratt nok til at eg kan løyse ut, eller bli tatt av, eit skred?

Går ein i slikt terreng, er det viktig at ein går inn på varsom.no og identifiserer skredfaren og kva slags type skredfare det er.

– Har det kome mykje fersk nysnø med vind, som det har gjort dei siste dagane, for eksempel? Slik informasjon finn ein på varsom.no, og det er viktig at ein sjekkar oppdatert skredvarsel, seier Nes.

Medan skredfaren for tysdag er sett til nivå 3, er det meld moderat skredfare (nivå 2) for onsdag og torsdag.

– Nysnøen vil nok sette seg ganske raskt, i og med at det er mild temperatur, seier Nes.

Men mykje nedbør og snø i kombinasjon med vind gjer at ein framleis bør vise varsemd i bratte heng der det har lagt seg mest nysnø også dei neste dagane, råder han.

Mer å lese på Sunnmørsposten:
 
Leses nå
 

Forsiden nå:

Gav over 100 kroner per innbyggjar:

Sula tok av i tv-aksjonen

Rundt 1.000 personar har vore innom på den direktesende folkefesten til tv-aksjonen i Langevåg.

Møre og Romsdal er på foreløpig 1. plass i tv-aksjonen

Klokka 21.15 låg Møre og Romsdal på topp på fylkesstatistikken på tv-aksjonen.

Åndalsnes

Syklist alvorleg skadd

Luftambulanse er rekvirert etter at ein syklist og ein bil har kollidert på Åndalsnes.