Opplever du problem? Bruk kommentarfeltet for å dele erfaringar.
Fleire bankar her landet vart onsdag formiddag ramma av tekniske problem, knytt til tenester som mobil- og nettbank. Det meldte informasjonssjef i Sparebanken Møre, Tone Skotheim Gjerdsbakk til smp.no ved 11-tida onsdag.
Klokka 12.15 opplyste ho at feilen var retta.
– Feilen skuldast nettverksproblem hos vår leverandør Evry, som mellom anna fører til innloggingsproblem for mobil- og nettbank. Feilen vart meldt klokka 09.45, og det blir jobba for fullt med å løyse problemet, sa Skotheim Gjerdsbakk onsdag formiddag.
Brukarar opplevde at tenestene gjekk treigt, eller at dei ikkje fekk logga inn.
– Bruk av kort og minibankar skal fungere som normalt, la ho til.
Sparebanken Møre har lagt ut informasjon på heimesida og på si Facebook-side.