Festspeldiktar frå Nordmøre Forfattar Lars Mæhle frå Sunndalsøra skriv ofte om heimstaden sin i bøkene sine, han skriv også mykje krim, og om fotball. Her er han på Volda bygdetun torsdag – første dag av Dei nynorske festspela 2017.
(Foto: Hild Nordal)

Festspeldiktar frå Nordmøre Forfattar Lars Mæhle frå Sunndalsøra skriv ofte om heimstaden sin i bøkene sine, han skriv også mykje krim, og om fotball. Her er han på Volda bygdetun torsdag – første dag av Dei nynorske festspela 2017. Foto: Hild Nordal

Forfattar Lars Mæhle frå Sunndalsøra er festspeldiktar for Dei nynorske festspela 2017

Krim med festspeldiktaren

Forfattar Lars Mæhle (46) frå Sunndalsøra fann ei meir naturleg forteljarstemme då han tok til å skrive på nynorsk.

– Eg trur nok det blir litt vanskeleg for dykk å finne ut av kven som drap presten i Valle, seier Mæhle til nokre av borna som har møtt opp på Volda bygdetun.

Festspeldiktaren for Dei nynorske festspela 2017 har laga ei krimgåte for små og store, med utgangspunkt i eit ekte drap på ein prest heilt tilbake i 1579. Ein kan løyse gåta ved å finne informasjon i ei løype med ulike postar. Denne aktiviteten er det mogleg å prøve seg på kvar dag under festspela.

– Det har blitt mange krim-bøker, ja. Eg har skrive krim både for barn, ungdom og vaksne – og endåtil ein barnehagekrim. Å skrive krim er ein fin måte å ta opp viktige tema, seier forfattaren.

– Ei ære

Mæhle synest det er ei ære å få lov å vere festspeldiktar for Dei nynorske festspela, og han ser fram til dei ulike arrangementa han skal ta del i under festivaldagane.

– Dette er ei ein gong i livet-oppleving, og eg trur det blir veldig bra, seier han.

Lars Mæhle vaks opp på Sunndalsøra i Møre og Romsdal. I grunnskulen og på vidaregåande hadde han bokmål som hovudmål, og han skreiv i mange år tekstar på bokmål – utan å få gitt dei ut.

– Då eg tok til å skrive på nynorsk var det noko som klikka på plass. Eg fann ei meir naturleg forteljarstemme i nynorsken, fortel 46-åringen.

Mæhle var 32 år då han gav ut si første bok, «Keeperen til Tunisia», og sidan har han gitt ut over 30 bøker på både nynorsk og bokmål.

– Men eg skriv mest og best på nynorsk, seier han. Under festspela skal han mellom anna ta del i opningshøgtida, lese frå bøkene sine om Knoterud FK på Volda stadion, og halde litterær konsert i Ivar Aasen- tunet saman med musikar Øystein Sandbukt.

Drapsvåpen

På Volda bygdetun er nokre gutar frå Ørsta i full gang med å jakte på løysinga av krimgåta. Dei møter tre potensielle gjerningspersonar i løypa, og det vert leita høgt og lågt etter eit drapsvåpen.

– Dette er kjekt! Og litt vanskeleg. Alle seier at det er dei som har drepe presten, så då gjeld det å finne ut kven som lyg. Og det burde vi klare, seier Petter Krumsvik Aamaas (11).

Mer å lese på Sunnmørsposten:
 
Krimløype på Volda bygdetun F.v. Tord Krumsvik Aamaas, Marius Eikenes og Petter Krumsvik Aamaas frå Ørsta høyrer på Vond-Amund fortelje om drapet han påstår å ha utført.
(Foto: Hild Nordal)

Krimløype på Volda bygdetun F.v. Tord Krumsvik Aamaas, Marius Eikenes og Petter Krumsvik Aamaas frå Ørsta høyrer på Vond-Amund fortelje om drapet han påstår å ha utført. Foto: Hild Nordal

Leses nå
 

Forsiden nå:

Dei unge stemmene: Miljø:

Kampen om miljøveljarane

Kan vi løyse klimakrisa med framleis økonomisk vekst i Norge?

Kartlegging av kontorarealet i Ålesund:

– Mindre ledig enn vi trodde

Nye, moderne kontorbygg og nedgangstider i viktige næringer til tross: Ålesund flommer ikke over av ledig kontorareal.

Miljøgift i Ålesund:

Klarer ikke å spore opp giftkilden

Ålesund kommune har fått krav om å finne kilden bak høye verdier av miljøgift i kloakkslam på Åse, men sommerens undersøkelser ga ikke klart svar.