– Vi har sendt tilbod til 1.442 søkjarar i Samordna opptak, fordelt på 35 studium. Dette er ein auke samanlikna med i fjor. I tillegg har vi god søking i lokalopptaket, seier studiedirektør Gonnie Smit i ei pressemelding.
Auka til barnevernspedagog- og sosionomutdanninga har ført til heva karaktergrense og ei dobling i talet på søkjarar som er på venteliste. Friluftslivsstudia er òg populære, og mediefaga har som vanleg gode søkartal.
Det er ventelister ved alle desse utdanningane.
– Vi har også gitt fleire tilbod på grunnskulelærarutdanninga 1-7 enn i fjor. Dette er veldig gledeleg ettersom grunnskulelærarutdanningane no er integrerte masterutdanningar med 4 som karakterkrav i matematikk, seier høgskuledirektør Jacob Kjøde jr.