«Stengt for gjennomkøyring til tidlegast september», melder Statens vegvesen på sine nettsider onsdag ettermiddag.

Det kjem til å gå fleire månader før fylkesvegen vert opna att for gjennomgangstrafikk, seier Kai Jonny Bugjerde i Statens vegvesen til Fjordingen.

50 millimeter regn på tre timar gjorde at fleire middels store elvar kom ut av kontroll denne veka. Lokalt i Utvik gir ei midlertidig bru vegsamband mellom Utvik og Stryn frå torsdag. Men det blir ikkje opna for gjennomgangstrafikk. Også oppe på Utvikfjellet er det store skadar på vegen.

Alternativ rute til fylkesveg 60 er E39 Anda-Lote. Her er det sett inn ekstraferje for å ta unna den store trafikken.

Onsdag var olje- og energiminister Søviknes i Utvik for å sjå på skadane.