(Møre-Nytt) Styret i Tussa Kraft AS kallar onsdag inn til ekstraordinær generalforsamling i selskapet. Innkallinga kjem etter at fleirtalet av aksjonærane i Tussa Kraft AS har kravd dette.

Vil samle Mørenett i Dragsund

Klar melding til Mørenett-sjefen: –Lat Mørenett-kontoret vere i Ørsta!

Det er aksjonærane i Herøy, Volda, Hareid, Vanylven, Ulstein og Sande kommunar som har fremja ei sak for generalforsamlinga. Realitetane i kravet er at Mørenett si lokalisering på Søre Sunnmøre vert i Dragsund i Herøy kommune.

I førre ordinære generalforsamling viste fleirtalet til gjeldande aksjonæravtale, der det heiter om Tussa at «hovudkontor i Ørsta kommune der dagleg leiar for selskapet samt leiinga av entreprenørdivisjonen skal vere lokalisert».

Dei aksjonærane som no krev ekstraordinær generalforsamling vil ha dette endra til Søre Sunnmøre i staden for Ørsta. Dermed vert det også i aksjonæravtalen opna for at Mørenett kan verte lokalisert i Dragsund.

Saka blei først publisert på mørenytt.no