Ny låne- og garantiordning for skip

Skal sikre fleire kontraktar

Ny ordning på 10 milliardar kroner kan sikre fleire kontraktar til verft i Noreg.

  Foto: Knut Arne Aarset

Nyheter

I statsbudsjettet for 2018 foreslår regjeringa ei ny låne- og garantiordning for kjøp av skip frå norske verft, når desse skipa skal brukast i Noreg. Regjeringa foreslår ei garantiramme på 10 milliardar kroner i 2018.


Rolf Fiskerstrand glad for milliardgarantier til norske rederier gjennom GIEK:

Klar for en ferjeboom

– Dette vil helt klart øke mulighetene for norsk maritim industri. En god vitamininnsprøytning, mener konsernsjef Rolf Fiskerstrand.

 

Ordninga vil omfatte finansiering av til dømes fiskebåtar, ferjer, brønnbåtar og hurtigbåtar, og finansieringa vil bli gitt på marknadsvilkår.

– På denne måten bidrar vi til å skape auka aktivitet i verfta og til at kompetansen blir i Noreg, seier næringsminister Monica Mæland (H), i ein pressemelding.

– Ordninga vil kunne ha mykje å seie for aktørane i fiskerinæringa, og eg ser fram til å følgje med på dette vidare, seier Per Sandberg (Frp).

Ordninga skal forvaltast av GIEK og Eksportkreditt Norge og vil vere ei mellombels treårig ordning. Ordninga vil bli evaluert. Det vil vere ein føresetnad at GIEK gir långivargarantiar på like vilkår med bankane, og at Eksportkreditt Norge gir lån på marknadsvilkår. Ordninga skal etter planen vere operativ første halvår 2018.