(les rapporten til høgre - under om du les på mobil)
Rapporten som blei bestilt av fylkestinget i juni i år viser at Nerlandsøybrua er trygg å bruke. I arbeidet med rapporten som no er klar, er det gjort nye undersøkingar og ein har henta inn dokumentasjon frå då brua blei bygd.
– Du kan trygt køyre over Nerlandsøybrua slik som den er i dag. Vi vil no finne den beste framtidige løysinga for å krysse fjorden over til Nerlandsøya, seier samferdselssjef Arild Fuglseth i ei pressemelding frå Møre og Romsdal fylkeskommune.
Den dårlege tilstanden til Nerlandsøybrua har vore ein gjengangar i media og offentleg forvalting i fleire år. Snart skal det takast stilling til kva som skal gjerast med kryssinga av fjorden på staden.
Sunnmørsposten 2012: Brusjokk for øysamfunn
Ei utgreiing frå Statens vegvesen skal vise omfanget og kostnader for ulike alternativ og saka blir lagt fram for politisk behandling i mars neste år.
Rapporten frå Dr. Techn. Olav Olsen skisserer tre ulike alternativ for vedlikehald:
Ingen tiltak, men auka overvaking og levetid på om lag 5 år.
Gjentakande vedlikehaldstiltak, for levetid på om lag 10 år.
Omfattande vedlikehaldstiltak og forsterking, for levetid på om lag 40 år.