Konkursen blei kunngjort 27. november, ifølgje konkursregisteret hos Brønnøysundregistra. Firmaet står oppført i bransjen «Oppføring av bygningar», og har ifølgje proff.no 28 tilsette.
Firmaet er 100 prosent eigd av Klavs Maleckis, og han er også oppført som styreleiar. Normunds Maleckis står oppført som dagleg leiar.
Nordman Bygg AS blei stifta i 2015, og siste tilgjengelege nøkkeltal viser ein anstrengt økonomi. Driftsinntektene for 2016 var på 9,86 millionar kroner. Dette året hadde firmaet negativ eigenkapitaldel på 34,3 prosent. Resultatet før skatt var på minus 338.000 kroner.
27. november var det altså slutt. Advokat Oda Birgitte Ørmen Vinjevoll er nemnd opp som bustyrar. Første skiftesamling er sett til 15. januar, og frist for å melde krav til buet er sett til 1. januar.