Noverande redaktør i avisa Sunnmøringen, Johan Behrentz, går av ved årsskiftet og blir avløyst av Renate Furre Henriksen-Sandvær.
Den nye redaktøren er busett i Stranda og har sidan hausten 2014 vore tilsett som journalist i avisa.
God innsikt i dekningsområdet
Henriksen-Sandvær har utdanning innan journalistikk og statsvitenskap. Før ho kom til Sunnmøringen har ho arbeidd som journalist og frilansar i fleire lokalaviser.
Styreleiar Lidvar Flydal skriv i ei pressemelding at den nye redaktøren gjennom sitt journalistiske virke i Sunnmøringen har skaffa seg god innsikt i samfunns- og kulturliv i Stranda kommune, som også er Sunnmøringen sitt dekningsområde.
– Ved tilsetting av Henriksen- Sandvær fått avisa fått ein redaktør som har stort engasjement for Sunnmøringen si rolle i kommunen- i det politiske liv, i næringslivet og i samfunns- og kulturliv elles, seier styreleiar Lidvar Flydal.
Godt grunnlag for vidare utvikling
Og han legg til:
– Gjennom sine år som journalist i Sunnmøringen og som samfunnsengasjert innbyggar i Stranda, har ho eit godt grunnlag for å utvikle Sunnmøringen sin posisjon blant lesarane vidare. Under leiing av Henriksen-Sandvær vil arbeidet med å vidareutvikle det digitale tilbodet til lesarar og annonsørar halde fram.
