Tidlegare er det rekna med at det vil koste fire millionar kroner å rydde opp etter brannen ved Selje hotel i november 2016.

Den kommunale investeringa må vere forskottering for nyetablering og sikrast gjennom forpliktande avtale, meiner formannskapet.

Kostnad ved opprydding vert finansiert ved bruk av disposisjonsfond.

Kommunen kan ikkje og skal ikkje påverke avgjerd om kven eigedomen vert overført til. Om kommunen vel å vere tilretteleggar må dette gjerast slik at kommunen ikkje kan skuldast for å subsidiere enkeltaktørar, heiter det i sakspapira til kommunestyret.

Her går det også fram at det no ikkje er aktuelle interessentar til eigedomen.

Kommunestyret gjer endeleg vedtak i saka 7. februar.